الخميس، 30 يوليو 2009

المهندس كالابالا وأزمة الرجالة

دايما دايما البني آدم بيشوف بقية الخلق من عينته أو شايفهم بعين طبعه ... يعني تلاقي الحرامي لما يسرق يقولك البلد مليانة حراميه .... وتلاقي الرقاصة تقولك النسوان كلها بترقص

المهندس كالابالا اللي نفخنا بتصريحاته اللي شبه البيض الممشش ... كل يومين يطلع علينا بتزريطه من بقه يفقع بيها المرارة ويجيب كرشة نفس ويحسسنا اننا عايشين في عالم سمسم

طلع علينا بطلعته البهيه وشعره اللي شبه شعر الممثل الهندي خابور ( الهي يخوبروك زي ما خوبروا سليمان الحلبي ) يقول ان السيارات الفارهه والموبايلات أبسط مثال على أن الشعب يعيش رفاهيه لا مثيل لها ... طبعا المعلم كالابالا دا من البيت للمجلس ومن المجلس للحزب ومن الحزب لبيت الست شاهي اللي دفع في طلعتها البهيه 25 مليون لحلوح من دم الشعب الغلبان بعد ما خلى طن الحديد ب 8400 جنيه ... الهي يركبة 8400 عفريت يشعوطوه


عزيزي المهندس كالابالا ... مش كل الناس زي ابوك اللي اترفد من الجيش في حملة تطهير النكسة سنة 67 .... ولا كل الناس زي نجاستك في لم الدولارات من السوق السودا وتطلع من القضية زي الشعره من العجينة سنة 89 ولا كل الناس بتعرف تلعب بالبيضة والحجر وتقلل انتاج مصنع زي الاسكندرية للحديد والصلب عشان فائض البيليت تشتريه مصانع اهلك برخص التراب

ولا كل الناس بيعرفوا يصطادوا الاسهم سهم ورا التاني لحد ما شفطت الشركة في بطن اللي جابتك الهي ربنا ينتقم منها لانها جابتك تقرف في اللي جابونا احنا

عزيزي كالابالا رجاءا اخرس وسد فتحة .... بقك دي اللي بتخرج علينا بكلام تافه زيك انت ماتعرفش حاجه عن الشعب والشعب أصلا مابيحبكش ... تعمل اعلان بقى وتقولنا انك مشغل 3600 حمار في مصانعك فدي حاجه تخصك وال 3600 حمار دول ميمثلوش أكتر من 40 في المليون يعني رجالة الشارع بتاعنا اكتر من اللي انت مشغله دا

الاخ كالابالا ثق أن هناك في هذا البلد شرفاء لازالوا انضف من اللي جابك ومعندهمش استعداد يسرقوا ولا يشتروا ولا يبيعوا في البلد


عزيزي كلابالا اللي اثبت ان في ازمة رجاله جاتها نيله اللي عايزة خلف من عينتك